The gif animation should get an update which should include the usage of the lookup button.

Validatora panelo

Klavara mallongigo: Alt+Shift+V — unu el la JOSM-paneloj

La JOSM Validator estas funkcio de JOSM, kiu kontrolas kaj riparas nevalidajn datumojn.

Uzado

• Klaku la Validado-butonon ĉe la fundo de la validatora panelo aŭ premu Shift+V por ekigi la validadan procezon:
  • Se nuntempe ne estas elektitaj objektoj, tiam ĝi kontrolas ĉiujn objektojn en la nuna tavolo.
  • Se estas elektitaj objektoj, tiam ĝi kontrolas nur la elektitajn objektojn.
• Plejparto de la eraroj devas esti riparitaj mane, dum kelkaj el ili povas esti aŭtomate riparitaj per elekti la eraron aŭ erarojn kaj klaki la Ripari-butonon. Ĉar Validator eble ne ĉiam estas perfekta, estas ankoraŭ la uzanto devo kontroli la rezulton de la ago.
  • La du tabeloj, Testoj kaj MapCSS-Testoj ofertas iom pli da klarigo pri ĉiu testo.
• Uzu la dekstraklikan menuon por "Zomi al problemo".
• Pluraj objektoj kun la sama simptomo estas grupigitaj kune.

La validatoro estas aŭtomata testilo. Ĝi povas montri al vi erarojn en la datumoj, sed ĝi ne estas perfekta kaj povas ankaŭ montri al vi erarojn, kiuj fakte ne estas eraroj ("falsaj pozitivoj"). Tial ĉiu objekto markita de la validatoro devus esti kontrolita de la uzanto antaŭ ol ŝanĝi ĝin.

La validatoro kontrolos la datumojn kaj montros ĉiujn erarojn, kategorizitajn kiel eraroj, avertoj, kaj aliaj, depende de la graveco de la eraro kiel listo. Aldone, nova validada tavolo estas aldonita, kiu montras al vi kie la problemaj kazoj situas en la mapvido (povas esti malaktivigita en la preferoj). Defaŭlte nur eraroj de nivelo eraro kaj averto estos montritaj. Avertoj de nivelo alia povas esti aktivigitaj en la preferoj sed produktas pli da falsaj pozitivoj kaj tial postulas pli da atento de la uzanto.

Estas ses butonoj en la validatora panelo:

Ikono	Nomo	Mallongigo	Priskribo
	Elekti		Elektas la objektojn de la elektita eraro.
	Serĉi		Serĉas la elektitajn objektojn en la erarlisto.
	Validado	shift+V	Ekigas validadan procezon por la nuna elekto aŭ ĉiuj objektoj (kiam nenio estas elektita).
	Ripari		Riparas eraron (nur kiam aŭtomate riparebla).
	Ignori		Ignoras eraron aŭ grupon de eraroj en estontaj testoj. Ne funkcias kun novaj objektoj (id:0).
	Administri Ignorojn		Montras dialogon por ŝanĝi la liston de antaŭe ignoritaj eraroj.

Kunteksta Menuo

Dekstra klako sur listigitaj objektoj ofertas la jenan menuon:

Ikono	Nomo	Mallongigo	Priskribo
	Zomi al problemo	6	Zomas la vidon al la problemo.
	Redakti		Malfermas rilatan redaktilon por ĉiu rilato.
	Ignori por nun		Forigas la specifan enskribon de la listo. Ĉi tio nur forigas la enskribon de la listo sed ne aldonas ĝin al la ignorlisto

Administrado de Ignorlisto

Ĉi tiu dialogo permesas forigi erojn de la ignorlisto. Vi povas uzi la forigklavon aŭ la dekstran musklakon por forigi erojn. Se vi vidas nur numerojn kaj ne priskribajn tekstojn, la listo estis migrita de pli malnovaj versioj de JOSM. En ĉi tiu kazo estas rekomendite forigi ĉiujn erojn kaj ignori ilin denove por montri la priskribajn tekstojn kiel supre.

Noto: en la kunteksta menuo de eraro en la listo estas la enskribo Ignori por nun. Ĉi tio nur forigas la enskribon de la listo sed ne aldonas ĝin al la ignorlisto. Tial ĝi aperos denove en la sekva validada rulo.

Validado dum alŝuto

Se ne malaktivigita, la validada procezo ankaŭ ekas ĉe ĉiu alŝuto al la servilo. Por alŝutoj nur la modifitaj elementoj estas testitaj. Se vi nuligas la alŝuton, la validatora panelo montras la rezulton de la validado.

Validada rezulto povas dependi de la elŝutita areo

Kelkaj validatoraj testoj inkluzivas kontrolon ĉu la testata objekto estas en aŭ ekster la elŝutita areo por eviti falsajn pozitivojn. La ne elŝutita areo estas montrita per flava strekado. Elŝutitaj vojoj povas finiĝi en la ne elŝutita areo. Se ekz. akvovojo finiĝas en la elŝutita areo, tiam la validatoro avertas, ke ĝi devus esti konektita al alia akvovojo. Se la akvovojo finiĝas ekster la elŝutita areo, tiam la validatoro ne avertos ĉar ĝi ne scias ĉu estas vere eraro ĉar la eble konektita akvovojo ne estis elŝutita. La validatoro ankaŭ ne avertos se neniam estis areo-elŝuto en ĉi tiu datumtavolo (ne estas flava strekado en ĉi tiu tavolo). Tia tavolo ekzistas kiam vi ekz. kreas novan malplenan tavolon aŭ kiam vi elŝutas unuopajn objektojn per Overpass. En ambaŭ kazoj la datumoj estas supozataj kiel nekompletaj kaj traktataj kiel ekster la elŝutita areo por eviti falsajn pozitivojn kaj multajn nenecesajn avertojn.

Kelkaj validatoraj reguloj estas limigitaj al difinitaj areoj (ekz. landoj), vidu Teritoriaj selektiloj.

Preferoj

Estas kelkaj (altnivelaj) agordoj disponeblaj por influi la montritan informon de la objektoj en la listo, vidu Preferoj de elektolisto.

Vidu ankaŭ

• eksteraj Validatoraj reguloj
• Validatoraj preferoj kaj priskribo de validatoraj testoj
• MapCSSTagChecker - pri la sintakso de validatoraj kontroloj, kiuj estas bazitaj sur MapCSS
• La kromprogramo ​PT Assistant, kiu aldonas validatorajn regulojn

---

Reen al Fenestra menuo
Reen al Flanka strio
Reen al Ĉefa Menuo
Reen al Ĉefa Helpo