Paĝo bezonas relaboron kaj pli bonan strukturon. Kelkaj ekrankopioj estas malnovaj.

Preferoj > OSM Servilo

Konektaj Agordoj por la OSM servilo

Elŝuti kaj alŝuti al la defaŭlta servilo

Plejmultaj JOSM-uzantoj volas interŝanĝi geodatumojn kun la norma OSM-servilo mastrumata de la OSM-komunumo.

Marku la respektivan markobutonon por elŝuti kaj alŝuti al la norma servilo (vidu la supran ekrankopion). Ĉi tio estas la defaŭlta agordo.

Progresinta opcio: Elŝuti kaj alŝuti al propra servilo

Kelkaj JOSM-uzantoj bezonas agordi la API-URL de OSM-servilo ĉar ili laboras kun propra servilo:

• Kelkaj uzantoj laboras kun lokaj instalaĵoj de la OSM-servilo
• Kelkaj uzantoj laboras kun evoluo kaj testaj ekzempleroj de la OSM-servilo (ekzemple kun ​https://api06.dev.openstreetmap.org).

Por uzi propran URL:

1. Forigu la markon en la markobutono por la norma API-URL (vidu la supran ekrankopion)
2. Enigu la API-URL

Klaku Validigi por testi ĉu OSM API-servilo estas havebla ĉe la donita URL. Se jes, JOSM montros la ikonon dekstre de la eniga kampo por la API-URL. Se la URL ne estas valida, JOSM montros la ikonon .

Aŭtentiko

Labori anonime aŭ kun OSM-konto

Vi ne bezonas identigi kaj aŭtentiki vin mem kondiĉe ke vi nek alŝutas datumojn al la OSM-servilo nek elŝutas datumojn por kiuj vi devas unue aŭtentiki.

Se vi laboras anonime, vi rajtas

• elŝuti geodatumojn de la OSM-servilo kaj konservi ilin en loka dosiero
• elŝuti publikajn GPS-spurojn de la OSM-servilo
• ŝargi geodatumojn de dosiero, redakti ilin kaj konservi ilin reen en dosieron

Tamen, vi ne povas

• alŝuti geodatumojn al la OSM-servilo. Vi ankaŭ ne povas krei, ĝisdatigi aŭ fermi ŝanĝarojn.
• elŝuti viajn privatajn GPS-spurojn

Vi estas rekomendita ​krei OSM-uzantkonton. Per uzi ​ĉi tiun formon vi povas elekti OSM-uzantnomon kaj OSM-pasvorton, ambaŭ el kiuj vi uzos sube.

Baza aŭtentiko

Baza aŭtentiko estas la baza mekanismo por aŭtentiki vin ĉe la OSM-servilo.

Jen ekrankopio de la prefera panelo por baza aŭtentiko:

Por uzi Baza Aŭtentiko

1. Iru al la registro OSM Servilo en Preferoj
2. Elektu la aŭtentikan metodon Baza aŭtentiko
3. Enigu vian OSM-uzantnomon kaj vian OSM-pasvorton

OAuth 2.0-bazita aŭtentiko

​OAuth 2.0 estas malferma protokolo por permesi sekuran API-aŭtorizon en simpla kaj norma metodo de labortablaj kaj retaj aplikoj. La OSM-servilo subtenas OAuth 2.0 krom baza aŭtentiko.

OAuth havas du ĉefajn avantaĝojn kompare al baza aŭtentiko:

1. Via OSM-pasvorto ne devas esti konservita en klara teksto en la JOSM-prefera dosiero.
2. Via OSM-pasvorto devas esti transdonita ĉifrita nur unufoje tra la Interreto, kontraste al baza aŭtentiko kie via OSM-pasvorto estas transdonita neĉifrita kiel parto de ĉiu peto sendita de JOSM al la OSM-servilo.

OAuth 2.0 uzas Foran Regadon por ricevi la ĵeton de la OAuth-servilo. Se Fora Regado estas malŝaltita en preferoj (defaŭlta agordo), ĝi estas provizore ŝaltita por ricevi la ĵeton kaj poste malŝaltita denove. Noto: Se vi havas problemojn aŭtentiki, vi povas malŝalti foran regadon en aliaj kurantaj ekzempleroj de JOSM kaj malŝalti poste reŝalti ĝin en la JOSM-ekzemplero kiun vi provas aŭtentiki.

Post inicialigo, la alirĵeto estas reprezentita per la sekvaj opcioj:

• Malmarku la markobutonon Konservi en preferoj se vi ne volas konservi la Alirĵeton en la JOSM-preferoj. Se vi ne konservas ĝin, la Alirĵeto estos perdita kiam vi fermos JOSM. Se vi poste restartigos JOSM, vi devos ricevi novan Alirĵeton por labori kun OAuth-bazita aŭtentiko denove.
• Klaku Testi Alirĵeton por sendi testan peton kun la ĵeto al la OSM-servilo. JOSM analizos ĉu ĉi tiu ĵeto estas rajtigita aliri la OSM-servilon.
• Klaku Forigi ĵeton por forigi la nunan ĵeton. La butono Aŭtorigi nun reapariros.
• Elektu la markobutonon "Montri Progresintajn OAuth-Parametrojn" por montri la progresintajn OAuth-parametrojn.

Novaj OSM-kontaj mesaĝoj kaj maksimuma aĝo de fermitaj OSM-notoj

Novaj OSM-kontaj mesaĝoj

JOSM, defaŭlte, periode kontrolas ĉu estas nelegitaj OSM-kontaj mesaĝoj. Malmarkante Periode kontroli ĉu estas novaj mesaĝoj malŝaltos la kontrolon (progresinta prefero: message.notifier.enabled). Sub la markobutono la intervalo en minutoj povas esti agordita (progresinta prefero: message.notifier.interval). La defaŭlta valoro estas 5 minutoj.

Maksimuma aĝo de fermitaj OSM-notoj

La maksimuma aĝo en tagoj de fermitaj OSM-notoj povas esti agordita (progresinta prefero: osm.notes.daysClosed). La defaŭlta valoro estas 7 tagoj. Vidu Progresintajn preferojn por notoj por detaloj.

Overpass-servilo

(Eksperta reĝimo nur)
Agordi la Overpass API-ekzempleron uzatan por elŝuti OSM-datumojn (ekzemple en Elŝuti de Overpass API) (progresinta prefero: download.overpass.server). Vidu ​por listo de serviloj.
Kun markita Uzi Overpass-servilon por objekto-elŝutoj la Overpass-servilo estas uzata por ĉiuj agoj kiuj petas elŝuti specifitajn objektojn kiel Elŝuti Objekton, Elŝuti patrajn vojojn/rilatojn … aŭ elŝuti (nekompletajn) membrojn de rilatoj (progresinta prefero: download.overpass.for-multi-fetch).

---

Reen al Preferoj
Reen al Redakti Menuon
Reen al Ĉefa Menuo
Reen al Ĉefa Helpo